Diahuebs ultimo Directiva di Aruba Softball Bond tabata tin un encuentro cu atletanan di pre seleccion na veld di Flatstone unda cu a reuni cu tur dunando poco motivacion pero alabes papiando di e meta primordial kiko ta e importancia pa cumpli cu pre coleccion. Tanto Endy Croes y Fano Croes ambos a hiba palabra. Un total di 25 atleta a acudi mientras 3 a avisa di no por t’ey pa motibo di trabou. Esaki ta un muestra di un interes hopi grandi pa cu e pre selexcion. Si tur cos cana manera planificacion, e seleccion masculino lo biaha di 1 pa 9 di Juni pa Monteria Colombia unda nan lo bay competi den un campeonato organisa pa CONSURSA cual campeonato ta wordo carga pa gobierno Colombiano. Un total di 10 pais di Sur America a confirma caba nan participacion y pues lo bira un campeonato intenso y hopi competitivo. Campeonato aki Aruba lo ricibi punto tambe pa e ranking mundial di WBSC y pues ta hopi importante Aruba bay bon prepara. ASB ta bisa di ta contento di mira e interes asina grandi y alabes a splica e atletanan si dado caso pa cualkier rason bo no forma parti di e 17 atletanan kendenan finalmente lo forma e seleccion sinti bo orguyoso di a forma parti y practica riba un nivel halto cu e pre seleccion. Aruba Softball Bond hibando softball pa un otro nivel.