Sr. Rudolf Tromp, a splica cu e aña aki e bendemento di kavel, a bay hopi mas miho cu aña pasa, caminda mester a tuma e loting na December. Esaki a haci cu a bruha un tiki cu e temporada di Pasco. Aña pasa a bende 7843 loting pa Kavel. E aña aki a surpasa 15.500 peticion pa kavel.
Esaki no ta un record pa DIP, ya cu den pasado a yega di bende 17 mil. Cual toch ta basta cerca. Sr. Tromp ta splica cu anteriormente tabata tin mas interes pa vendor vergunning. E ta menciona cu Noord e ventvergunning mes a bay hopi atras, e interes ta hopi abao. Hopi biaha nan no ta yega ni 8 ventkavel.
Pa loke ta trata e lista oficial, aworaki ta keda na notario pa asina haya e lista oficial di Kavel y publica esaki den medionan comunicacion. Gobierno a haya toch basta entrada na kavel.
Pa loke ta trata bendemento di kavel, DIP no tin control ariba esaki. Lo mester cana kavel pa kavel y ta bira dificil pa controla. Si pone esaki den ley, toch por bisa cu e hendenan ta baila rond di dje. No tin manera di controla.
Sr, Rudolf Tromp a splica cu dia 28 y 29 por cuminsa bin busca e ventkavelnan pa Oranjestad, sigui pa e prome 50 kavelnan pa publico, y merdia e siguiente 50 kavelnan. Diadomingo dia 29 ta toca turno na e ventkavelnan na Noord y San Nicolas. Y despues ta sigui e 50 kavelnan pa publico y loke ainda a resta pa Oranjestad.
Por ultimo, dia 4 di Februari publico por cuminsa pone nan trailernan, prome cu parada di mucha na Oranjestad.