E condicionnan climatologico sin misericorda e cu ta wordo registra den zuid di Merca, a cobra bida di 11 persona na Georgia.
Den oranan di mainta di diadomingo, autoridadnan a emiti varios aviso di tornado pa localidadnan den parti zuid di Merca.
Den e mortonan, tin shete persona cu tabata biba den un parke di casnan mobil.
Autoridadan local a duna di concoe cu dañonan enorme a wordo raporta den parkenan di casnan mobil, cualnan a sufri dañonan door di matanan cu a cay door di e biento fuerte. Cerca di 8 mil cas a keda sin coriente.
Na Mississipi cuater persona a perde nan bida door di un poderoso tornado cu a pasa na 25 miya zuid di e estado. Zuid di Merca ta den alerta debi na tormentanan, awasero y bientonan fuerte den fin di siman y cu ainda ta ser spera den partinan zuid di Georgia y noord di Florida.