BARBADOS – Bientonan fuerte y un awasero pisa persistente ocasiona pa Tormenta Tropical Matthew a afecta Barbados for di atardi tempran di ayera, diaranson.
For di e ciudad, for di nort, zuid, oost y west di e isla, e sistema di tempo a laga su marca indesea, pero predicibel den hopi manera. Algun Barbadian y comerciante, tambe a laga un marca in desea.
Entre otro areanan afecta door di e inundasion tabata Bush Hall, Bank Hall, Waterford, Waterhall Land, Ivy, Bayland, Mount Friendship, Pinelands, New Orleans, Maxwell, Ealing Grove, Trents, Bagatelle y numeroso seccionnan di e Ciudad.
Y mientras cu varios area debil na Bridgetown ta yena cu awa, por a sinti con e sushi ta wordo tira den Swan Street. Cu awasero basta pisa ya caba cayendo den varios area y mas ta wordo predici pa e dia di awe, y tampoco ningun pikimento di sushi posibel, algun di e sushi ya caba a haya nan caminda cu biento y awasero den e riolering, haciendo e sistema di drenahe ainda mas problematico.
Riba Broad Street, algun di e personanan sin hogar ta purba di keda seco y calor bao di e dak di United Insurance, luchando contra hamber. Nan no por haya ningun refugio den e edificio di Salvation Army. Sinembargo, despues di nan plegaria cu a wordo publica riba social media, Barbados Homeless and Vagrant Society, a bay asisti nan cu cuminda.
Otro caminda, doñonan di cas mester a deal cu bientonan fuerte. Un pida taki a kibra y a dal riba un auto na Bank Hall. Un famia na Mount Friendship mester a wak perdida di nan dak. Mas laat durante ayera tardi, nan mester a cub ri e dak cu material di plastick mientras nan ta busca manera pa un proteccion mas permanente.
Den algun seccion di e isla tabata tin palonan cu a cay, algun di nan riba auto y algun riba cas, manera na McClean Gap, Brittons Hill, St. Michael. Riba ABC Highway, mas of menos 700 meter for di Everton Weekes Roundabaout, un palo a cay, haciendo mita di e caminda direccion Warrens, St. Michael, practicamente impasabel.
Un cantidad di servicionan esencial tabata riba caminda. Algun miembro di Forsa Policial Real di Barbados a wordo observa haci nan rondanan mobil mientras teamnan di Barbados Light & Power tambe tabata trahando mientras cu ta keda reporta chispanan di mastnan di utilidad tabata spart.
Algun hende balente a prefera bay lama apesar di e aviso di tempo. Na Silver Sands Beach, bañista y surfernan a sa di bay den lama.
Apesar di e ausencia di tur autoridad, algun tienda chikito y por lo menos tres empresa grandi a dicidi habri cu un variedad di grado di exito.
Un supermercado grandi riba Black Rock Main Road incialmente a habri, pero a wordo ordena subsecuentemente pa cera, pa e dicha di e empleadonan.
Un otro cadena di fast food a purba di habri, declarando pa ta un shelter alternativo di tormenta – cu bentana di glas cu tur. Pero esaki no a traha y tambe a wordo ordena pa cera.
Sinembargo, parlamentario di St. Lucy Denis Kellman, tabata tin mas suerte cu autoriddnan. Su Restaurant y Grocery St. Elmo’s Moon Town, a keda habri durante mainta y merdia y a haci un bon benta, hopi na satisfaccion di su clientenan.
Fuente: http://www.barbadostoday.bb