BREWSTER, Texas – Por lo menos un persona a fayece den un tiroteo den e scol Alphine High di Texas y e atacante ya a fayece, oficina di comisario di e condado di Brewster a bisa diahuebs.
280 studiante ta asisti na e scol.
Autoridadnan a mantene e scol cera y a pidi pa e studiantenan wordo busca den un misa cercano.
E atacante a fayece despues di un herida autoinflingi, segun comisario.
E atacante a herida un otro persona den un miembro inferior.
Un studiante di e scol a papia cu CNN y a ofrece detayenan escalofriante di e situacion. Segun e menor, despues di cinco minuut di e di dos les di dia, su juffrouw a sali riba gang despues di a scucha un otro docente ta grita “drenta den e klas, drenta den e klas.”
“Mi juffrouw a drenta y a grita nos pa nos drenta den e kashi, ta loke cu nos sa haci den un simulacro. El a sigui bisa cu esaki no ta un joke, pero nos tur a pensa cu tabata parti di e simulacro. Normalmente nos tin simulacro asina dos biaha pa aña.”
E mucha a splica cu su juffrouw tabata temblando. Poco despues, el a relata, nan a sinti un hende grita y core den gang.
“No tur a cuminsa yora. Nos tabata den e kasho pa hopi tempo y depsues un hende a klop riba e portanan di e klasnan y a bisa cu tabata e comisario. Polis a kibra e porta y a drenta den nos klas cu arma y a punta tur caminda. Polis principal a grita nos pa nos pone nos mannan tras di nos cabes y pa nos forma den un fila.”
E studiante a bisa cu ora cu nan a sali for di e scol, por a mira sanger abao na vloer di e cafeteria.
Fuente: http://infoteleantillas.com.do/