SANTO DOMINGO (AP) — Un tiroteo confuso den e zona fronteriso entre Republica Dominicana y Haiti a laga varios persona herida, entre nan al menos tres homber Haitiano y un militar Dominicano, autoridadnan a informa.
E incidente a tuma luga diasabra, ora cu presuntamente militarnan Dominicano a purba impedi e paso di un cargamento di cement di contrabando for di Republica Dominicana pa Haiti.
E tiroteo a tuma luga entre militarnan Dominicano y presunto traficantenan, cu no tabata tin niun permiso pa exportacion di mercancia y nan a uza arma di candela contra di e soldaatnan, segun Ministerio di Defensa Dominicano.
E cargamento tabata wordo transporta den seis truck, di cual tres a loga pasa pa Haiti y e otro tresnan a keda deteni na Republica Dominicana, segun e minister di Defensa di republica Dominicana, Ruben Paulino Sem.
Entre e chauffeurnan di e trucknan tabata tin ciudadanonan di dos pais. Paulino Sem a detaya cu e tres Haitianonan y un militar Dominicano a resulta herida.
E ministerio di Comunicacion di Haiti a sigura diadomingo den un comunicado difundi na Port Au Prince cu den total tabata tin seis herido Haitiano, di cual cinco a keda hospitalisa y un di nan a wordo opera.
Paulino Sem a splica cu despues di e tiroteo ta registra disturbionan den territorio Haitiano a wordo contrala cu gasnan lacrimogeno pa polis di e pais aki.