Tiroteo den scol secundario na New Mexico

0

NEW MEXICO, Merca- Al menos 3 persona a fayece den un tiroteo di un scol secundario den e localidad di Aztec (New Mexico), AP ta informa.
E comisario di e condado di San Juan, Ken Christesen, a afirma na periodistanan cu tres persona, cu ta nan ta kere tabata studiante a perde nan vida den e Aztec High School diahuebs mainta.
El a precisa cu e atacante a wordo mata, pero no a duna detaye di su e ta un di e tres personanan cu a perde nan bida den e tiroteo.
Fox News a informa cu ademas 12 persona a resulta herida.
Agentenan di siguridad a evacua e localidad cercano di Bloomfield y Farmington, a cera e centro di docente cu ta cay bou di nan hurisdiccion, como medida di precaucion. Tambe nan a evacua e dependencianan di Aztec High School y a registra e interior di e luga. A recomenda e mayornan tambe pa evita di drenta den e edificio di e scol te un proximo aviso.
FBI y polis di estado ta haciendo nan investigacionnan, segun autoridadnan a comunica.
E localidad di Aztec, unda cu mas o menos 6.700 persona ta biba, ta ubica den un zona rural den e parti noordoost di New Mexico, na 290 km di Albuquerque.

Fuente: https://actualidad.rt.com

LEAVE A REPLY

Please enter your comment!
Please enter your name here