Un alumno di scol secundario na Mexico, a lanta for di su stoel y a tira ariba su juffrouw, como tambe ariba otro alumnonan den e klas. Despues di esaki, el a tira su mes den cachete. E heridonan y e agresor tin entre 14 y 15 aña di edad. E juffrouw tin 27 aña.
E tiroteo a tuma luga den e Colegio Americano, un scol priva, den e estado di Nuevo Leon.
Cuatro persona ta grave, incluyendo e atacante, cu tironan den cabes. Un otro alumno a haya un tiro den brasa.
Tanto presidente Enrique Peña Nieto, como e Secretario di Educacion, Aurelio Nuño, el a lamenta e incidente pa medio di su cuenta di Twitter.