Ohio, MERCA- Un persona a causa morto di un persona y 14 mas a resulta herida den un tiroteo na e Cameo Night Club na Cincinnati, Ohio.
Inicialmente polisnan a bisa cu al menos dos persona tabata envolvi pero despues di investigacion Comisario di Polis Paul Nedigate a informa cu tin solamente un persona envolvi den e tiroteo.
No tin indicacion cu e tiroteo tabata relaciona cu un acto di terorismo.
Hopi di e heridonan ta di gravedad, segun autoridadnan a informa. Testigonan di e tiroteo no ta mucho cooperativo cu autoridadnan.
E tiroteo a tuma luga pa 1 or di marduga, na momento cu e luga tabata yena cu hende. Loke a sigui despues tabata simplemente un caos.
E club aki tabata tin su problemanan den pasado, pero esaki ta esun mas grave den existencia di e club.
E tiroteo aki ta bin menos di un aña despues di e tiroteo den un discoteca homosexual na Florida, resultando den e tiroteo masivo mas grandi den historia di Merca.
Fuente: bbcnews.com