Tiroteo den centro di Amsterdam

0

AMSTERDAM, Hulanda- Den un tiroteo den un bario di Amsterdam un homber a resulta mortalmente herida. Dos otro, un homber y un muhe a resulta herida. E sucedido a tuma luga den e Grote Wittenburgerstraat den Centrum.
Polisnan a tene e area acordona. No tin detencion y polisnan ta mantene e hipotesis cu ta trata di un conflicto den e circuito criminal. Nan ta en busca di e malhechor (nan).
E corant Het Parool, basando su mes ariba varios fuente a indica cu e victima tabata ta un habitante di Amsterdam di 17 aña, Mohammed B. E dos heridonan, ambos fuera di peliger, lo ta un homber di 19 aña y un stagiaire di Centro di Bario Wittenburg.
Segun habitantenan di e area, nan a skucha varios tiro. Dos homber cu muts bisti lo a core drenta e Centro di Bario De Witte Boei. E anochi ey tabata tin varios actividad tumando luga, caminda cu mucha tambe tabata participa.

Fuente:https://nos.nl

Comments

comments