Vocero di Polis a confirma cu diamars pa 19:43 central di polis ta wordo yama door di doño di un cas na Bushistraat na Ponton. E persona a conta cu e la bay na e cas cu e ta huur y ta bin constata cu e personanan tin plantacion di marihuana den e cas. Ora esnan cu ta huur e cas a scucha cu e ta yamando polis, nan a subi den 3 diferente auto. E persona masculino den e auto nissan march shinishi ta los un tiro den laira y ta bandona e sitio.
Mes momento e otro personanan cu tabata na e cas tambe ta huy den un toyota tercel blanco y e otro ta un toyota tercel blauw. Di biaha patruya a ser manda na e cas na bushistraat. Na yegada nan ta bin constata enberdad cu e plantacion di marihuana. Otro patruyanan riba caya a cuminsa cu e buskeda pa e 3 autonan aki. Pero no a logra pone man riba nan. Investigacion ta den man di departamento narcotica y na e sitio a presenta polis technico tambe. Fiscal tambe a presena na e sitio y a duna orden pa confisca e plantacion di marihuana. Cuerpo Policial ta pidi esnan cu sa of a wak algo yama e tiplijn cu ta 11141.