LOS ANGELES, California – Tin un solo ticket ganado di Powerball, bendi na California pa e premio di 447,8 miyon di dollar di e sorteo di diasabra, e wega di loteria a anuncia riba su website.
E ticket ganado di e premio mayor a wordo bendi na e tienda Marietta Liquor and Deli, na Sun City, zuidoost di Los Angeles, segun e Loteria di California. E sorteo di Powerball di diasabra, tabata su di dies mayor premio di loteria den historia di Merca. E numbernan ganado tabata 20 – 26 – 32 – 38 – 58, cu su Powerball di 3. Ningun hende a iguala tur e numbernan ganado di dia 1 di April. E posibilidadnan di gana e sorteo di diasabra tabata uno den 292,2 miyon, Powerball a bisa.
E sorteonan di Powerball a tuma luga pa 10’or y 59 di anochi, ora Oost riba diasabra y diaranson. Pa gana e premio mayor, e hungadonan mester iguala seis number saca di un tombola. Tin cinco bolita blanco pinta den un tombola cu 69 bola y un bola cora pinta den un tombola cu 26 bola.
E premio mayor di Powerball den historia a wordo entrega dia 13 di Januari 2016, ora cu tres ganado di California, Florida y Tennessee a dicividi e premio di $1,580 miyon di dollar, un pago combina di 983.5 miyon di dollar. Un pareha di Florida, David aKaltschmidt, di Melbourne Beach, di 55 aña y su casa Maureen Smith, di 70 – a bay c $327 miyon di dollar.
Powerball ta wordo hunga den 44 estado y Washington D.C., Puerto Rico y islanan Virgen di Merca.
Fuente: www.laopinion.com