Pa lunanan nos dilanti por wak un interes grandi pa mas hende bin Aruba door di fin di aña y carnaval 2017 segun Ronella Tji Asjoe-Croes ta splica.
Tin cu tene na cuenta cu e aña aki no a cuminsa fuerte. Ya caba esaki ta impacta e aña completo tambe. Pero tin mas cupo aereo cu a sigura for di Merca pa e aña cu ta bin pa e periodo di Januari pa Maart, tin un aumento di 9.8% den capacidad aereo for di Merca. Tarea di ATA ta pa maximalisa e ocupacion riba e asientonan adicional aki. Tin tambe como ATA, Tjie Asjoe-Croes tin diferente reunion cu diferente GM di e hotelnan pa wak atrobe con nan ta mirando e negoshi ta drentando y por lo general e ta mustrando hopi positivo. Door cu temporada di Pasco Grandi ta cay otro aña na April, cual ta un bentana, compara cu e aña aki. E ta extende un tiki e temporada halto, cual ta aspectonan hopi positivo y si tur cos bay bon, tur e cifranan ta mustra esey. Proyeccionnan di hotel tambe ta mustra cu e ta bayendo bon. Proyeccion di aerolinea tambe. Ta mirando cu lo cuminsa aña sigur mas fuerte e aña aki y ta spera cu e winter keda bon friu.
E temporada di Carnaval ta un temporada normalmente druk caba pa turismo. E tarea pa loke ta trata e temporada eynan, ta pa informa e bishitantenan y duna nan e facilidadnan pa haci’e comodo cu nan por gosa di un carnaval. No laganan pa busca pa pone stoel of zorg pa coy bebe, etc. Tin varios iniciativa a tuma luga ultimo añanan. Renaissance ta idealmente ubica. Nan ta capitalisa di por ofrece esaki na e bishitantenan. Si ofrece nan paketenan unda cu por gosa di e ambiente di carnaval cu tur cos regla, ta un di e maneranan hopi atractivo cu por trece e festival grandi aki di Aruba mas cerca di e bishitantenan cu eigenlijk ya tey caba den gran number riba nos isla.
Tur aña ATA ta atrae prensa tambe pa asina por comunica mas di e festival cultural mas grandi di Aruba den diferente di e mercadonan y uze como vehiculo di promicion. Tjin Asjoe-Croes a mustra.