Tin puntonan cu minister di educacion mester aclaria

0

Diabierna a sigui cu e reunion publico riba e presupuesto di 2018, unda cu minister di enseñansa tabata presente. Parlamentario di Fraccion di AVP, Michael Lampe, a haci diferente pregunta riba educacion cu mester un aclaracion di su punto di bista con e ta mira e sistema di educacion.

Fraccion di AVP sa cu educacion ta algo cu no ta pasa solamente na scolnan, e no ta solamente algo cu por mira ora ta mucha pero tambe con pa crea espacio pa stimulacion di educacion, den e concepto di life long learning. Asina aki ta crea diferente posibilidad pa sigui crece y sigui siña despues cu e mucha sali for di scol como profesional.

Parlamentario Lampe a puntra minister riba e parti con ta deal cu e young professionals cu ta termina di studia. Tur aña Aruba ta inverti den studiantenan cu ta bay studia afo. Esaki ta un punto cu minister mester tuma atencion riba dje, con pa stimula na crea espacio p’e studiantenan cu termina nan estudio pa bin bek y aporta na Aruba. Esaki tin importancia grandi pa hisa e calidad di un pais, e nivel di ta critico con nos ta construi y con nos ta desaroya, cual ta preguntanan haci na minister di educacion.

Tambe a puntra con ta bayendo cu e parti di infrastructura. Parlamentario Lampe a puntra riba e parti cu si lo sigui haci inversionnan den infrastructura di scolnan, si lo sigui renoba e scolnan. E parti di renobacion di scolnan ta un punto cu hopi biaha tin discusion riba dje cu no por simplemente inverti den infrastructura si no ta inverti den maestronan y muchanan. Ta kere cu esaki ta cuminsa ora cu tin bon infrastructura pa por duna les, pa por tin un dak p’e muchanan por ta den un ambiente motiva. Asina aki nan por tuma e materia y ta facilita esaki, pasobra tur hende kier p’e muchanan ta safe na scol, siguridad ta algo importante. Tur esaki ta puntonan cu minister Lampe mester duna un aclaracion y su punto di bista.

Comments

comments