Trahadornan di ASTEC a manifesta riba nan preocupacion en cuanto e problema di huma cu ta bin for di WEB, cual ta afectando salud di e trahadornan. E trahadornan ta puntra kico ta e pasonan di Minister pa sigura proteccion di nan salud.
Minister di Medio Ambiente, sr. Otmar Oduber, a duna di conoce cu a base di conseho di Departamento di Naturalesa y Medio Ambiente (DNM), no por actua riba dicho problematica pasobra na Aruba no tin ley cu ta pone e condicionnan di proteccion pa loke ta trata e contaminacion di aire.
En cuanto e pregunta cu si lo bin cu un ley den futuro pa atende cu e situacion aki, Minister Oduber a sigura cu tin leynan den concepto pa atende cu esaki. E Minister ta lamenta cu naturalesa y medio ambiente no tabatin prioridad di Gobiernonan anterior, pero cu su persona y su departamentonan lo duna e situacion aki su debido atencion.