Pensionado lo baha cu 62 aña di acuerdo cu partido MEP , anto riba esaki Minister a expresa cu awor aki tin un par di pensionado ta traha cerca dje temporalmente door di nan experiencia cu nan tin. Pero segun e minister, a corto plaso e vacaturanan oficial di gobierno mester wordo yena cu generacion nobo di relevo di hobennan cu mester forma nan carera den gobierno. Minister di Labor Sr. Glembert Croes ta amplia
Den comparacion cu otro epoca no ta bay haya hopi pensionadonan den vacaturanan oficial di gobierno unda por tin un hoben gradua cu cierto experiencia of atrai door di cierto compania pa eherce cierto funcion pa balora nos propio hendenan. Esaki ta trece un reflexion cu semper tin mester di e pensionadonan retira pa duna apoyo temporal cu nan experiencia. Pero den caso di un vacatura oficial den gobierno mester ta den man di hobennan gradua cu mester pa bin bek na Aruba pa atrae profesional di otro sectornan kisas y pone nan traha siendo cu gobierno tin e responsabilidad di brinda e miho servicio posible na henter comunidad.
Minister Glenbert Croes ta di acuerdo cu mester baha bek e limite di edad di pensionado te na 62. Pero ta compronde cu tur hende mester haci estudio riba e decision aki, pero no tin duda cu 60 ta un derecho fundamental y el a wordo hisa na 65 contra interes di un y tur anto mester wordo baha te na 62, pero semper ta keda e opcion den caso cu 62 aña, e hende lo kier opta pa sigui traha te 65 aña ta bay tin e opcion ey caminda cu tin hende cu kier keda traha. Pero gobierno lo yega na e punto unda cu ta realisa cu esun cu lo cual cu nan a lucha pa e aumento di edad di pension no lo bay perdi.