The Revival of Palo Margo cu prome actividad diasabra 12 di Juni

0

No ta un secreto cu desde inicio di 2017 e deporte di drag race no a bin ta pasando den su miho temporada aki na Aruba, pero danki na e comisIon di The Revival 2 porfin e weekend aki cosnan ta asina leu pa por habri e pista di Palo Marga pa e temporada 2017 start sali aki na Aruba.

Diasabra awo lo bai tuma luga e prome actividad di Street Legal unda street legal cars, street legal bikes, scooter y quadracers y e categoria di Jr dragsters cu lo keda presenta pa Next Revolution Motosports lo bai mira accion riba e pista di Palo Marga.Tur esaki lo no por tabata posibel sin e Yudansa grandi di esunnan cu ta kere den e deporte di drag manera Brouwerij Balashi cu lo bira e main sponser pa 2017 di tur actividad riba Palo Marga.

Tambe pa por a pone e facilidad bek den un estado pa por a habri su portanan bek pa publico a tuma e comision 2 luna di trabao y sosten enorme incondicionalmente di entre otro Eumar Lock & Key Services, Fast Equipment, Quebero Sandblasting, RJ Road Cleaning Services, AIS Caterpillar, Serlimar, Jayko Septic Tank, Pest Buster Solution, Juver Cargo, Caribbean Trucking Company agencia di Kendall Motor Oil y tur esnan cu a pone nan oranan liber pa voluntariamente yega Palo Marga y duna un man pa por a pone e facilidadnan bek den operacion.
Diasabra awor porta lo habri pa 6or di atardi y e evento lo cuminsa pa 7:30 di anochi sharp pues ta pidi tur official y participantenan pa ta na tempo pa asina por cuminsa na tempo y pa por caba tambe na tempo. Entrada general lo ta Afls. 10,= pa persona, pit parking lo ta Als. 10,= pa vehiculo y participacion lo bai ta Afls. 25,= pa vehiculo, pa loke ta trata e premiacion esaki lo ta 500 florin pa e categoria di auto, 500 florin pa e categoria di brommer y 250 pa e categoria di Scooter y Quadracers.

Pues e accion Diasabra awor 10 di Juni ta bek riba Palo Marga pa asina ranca sali cu e prome evento di Street Legal di The Revival of Palo Marga 2.