Test nobo ta detecta atake di curason den 20 minuut

0

Dolor di pecho ta manda mas di 7 miyon di Mericano pa salanan di emergencia cada aña y rond di e mita di nan posteriormente ta wordo hospitalisa pa observacion, examen of tratamento, segun e Universidad Estatal di Ohio na Merca.
Y aunke tin dolor den pecho por causa miedo, esey no ta nifica cu ta trata semper di un problema cardiaco of cu e persona por ta sufriendo di un atake di curason, ya cu tin por lo menos otro 6 rason pa cual e pecho por haci dolor.
Sin embargo, dokternan tin cu descarta of confirma – y rapido – si ta trata of no, di un atake cardiaco y e pruebanan convencional cu ta wordo uza actualmente, por ta no ta ofrece e rapides necesario.
Na inglatera, un ekipo di King’s College di London, a desaroya un test nobo di sanger cu por diagnostica un atake di curason den 20 minuut.
E ta denomina cMyC, ya nan ta bezig ta test den pashentnan cu bon resultado y investigadornan ta afirma cu si e wordo desaroya, den algun aña, e por ta un prueba di rutina.

Un prueba cla
E test nobo ta midi e nivelnan di cMyC (proteina C di union na e miosina cardiaco) den sanger, cu a haya ta aumenta mas rapidamente y den mayor medida despues cu un atake na curason cu e proteinanan di troponina, un prueba actual cu ta wordo uza pa diagnostica e atake di curason den pashentnan cu dolor toracico sospechoso. Esaki no ta asina lihe y tin cu wordo ripiti tres ora despues pa recoge e señalnan di daño di e musculo cardiaco.
E prueba cMyC por wordo descarta of confirma un atake di curason den un proporcion mayor di pashent y casi di inmediato, segun e investigadornan, cu a publica nan hayasgo den e revista Circulation.
Cientificonan a realisa analisis di sanger di troponina y cMyC den casi 2000 persona interna den hospitalnan di Suisa, Italia y Spaña cu dolor toracico agudo.
Asina nan a comproba cu e prueba nobo tabata mas eficiente den duna e pashentnan un diagnostico cla dentro di e prome tres oranan di presenta dolor na pecho.
Dr. Tom Kaier, un di e investigadornan principal, financia pa e British Heart Foundation (BHF) den St. Thomas Hospital di London, BBC a bisa. “Nos investigacion ta mustra cu e prueba nobo aki tin e potencial di trankilisa hopi miles mas di pashent cu un solo prueba, mehorando su experiencia y liberando camanan valioso di hospital den henter e pais.”
Kaier ta afirma cu si e prueba por wordo uza di forma rutinario, por proporciona na e mediconan resultadonan fiabel dentro di 15 pa 30 minuut.

Ora cu e dolor di pecho ta un emergencia?
Solicita atencion medico si e dolor di pecho no ta bay y yama 911 si abo of algun hende presenta e sintomanan aki cu si ta coresponde na un infarto of un atake cardiaco: molestia den pecho, presion, opresion of dolor; falta di aire; molester den e parti superior di e curpa: brasa, schouder, nek, lomba; mareo, sacamento, vertigo, nausea of sudoracion.
Tratamento di dolor di pecho ta depende di e causa, pa cual e profesional medico lo ordo e examennan corespondiente.

Fuente: www.holadoctor.com