Dia 2 di November na Hyatt Regency Ballroom Terry Lemerond lo tey un biaha mas na Aruba pa presenta un otro seminario interesante cu topiconan importante di salud.
Temanan manera diabetis, cancer di prostaat, con pa reduci tension y stress den bo bida diario, maneha dolor di cabes y migraine cu productonan natural, tips con pa drumi miho y con pa compronde y maneha dolornan di lomba lo wordu presenta y splica den detaye pa Sr. Lemerond.
Sr. Terry Lemerond tin 45 aña di experiencia den e industria di cuminda saludabel, e ta doño/propietario di diferente tienda cu ta bende productonan pa salud y tambe e tin companianan cu ta fabrica suplementonan dietetico. Terry a alcansa y a desaroya mas di 400 formula nutricional y botanico cu ta continua di ta entre e productonan mas bendi riba mercado internacional awendia.
E ta autor di dos buki, “Seven Keys to Vibrant Health” y “Seven Keys to Unlimited Personal Achievement”
Terry su mision ta pa continua introduciendo productonan revolucionario natural cu lo mehora salud di un y tur. Den e ultimo 45 añanan, el a acomula un rikesa di experiencia y conocimento den e area di Salud y Nutricion, cu e ta comparti cu otronan pa medio di programanan na Radio, Podcasts, webinars educativo, y na companianan/eventonan como orador.
Como cu Terry mes a experiencia e efecto di cambio den su bida door di come apropiadamente, haci ehercisio, y usa remedinan natural efectivo, e ta mas cu ansioso pa yuda otronan tambe alcansa nan metanan personal y di nan Salud.
Asina ta no perde e oportunidad pa ta presenteden e seminario di Terry Lemereond dia 2 di November na Hyatt Regency ballroom pa 7:30 PM te cu 9:00PM. Entrada general ta solamente Awg 12,50 y Tickets ta obtenibel na tur tienda di Nature’s Discount; Palm Beach, Sero Blanco y Pos Chikito.