SCHIPHOL, Hulanda – Un di e hombernan cu tabata envolvi den e atentadonan sangriendo na Paris y Brussel, osama Krayem, durante un interogacion a bisa cu e tabata hunto cu un otro yihadista na Schiphol pa mira si nan por sconde arma y explosivo.
El a bisa cu dia 13 di November, 2015, e dia di e atentado na Paris, cu un otro yihadista, Sofiane Ayari, a sali bay cu un bus a bay pa Schiphol. Krayem (28) a conta e storia aki aña pasa na interogadonan Belga, segun medionan Frances.
Kluisnan di maleta
Krayem a nace na Suecia y na April 2016 el a wordo aresta na Belgica y tabata un simpatisado Sirio. E lo a declara riba 13 di November 2015 dos ora largo cu e lo a busca kluisnan di maleta na Schiphol grandi suficiente pa su plannan. Pero esaki no a logra.
Den un investigacion na e atentadonan terorista na Paris na November 2015 y na Brussel riba dia 22 di Maart 2016, ainda tin preguntanan sin contesta cu ki meta e yihadistanan tabata tin.
Na e atentadonan na Paris y Brussel a muri mas di 162 persona y cientos di hende a wordo herida. Na Paris, shete di e sospechosonan a muri y na Brussel tres.
Fuente: RTL Nieuws