Juffrouw Nadine Kirindongo, cabesante di St. Fransiscus College, ta elabora ariba e prome dia di scol, pa aña escolar 2018-2019.
Diahuebs tabata prome dia di scol y St. Fransiscus College a cuminsa e aña cu 205 alumno. Y ta habri awe tambe cu e tereno cu a wordo asfalta y tambe adaptacionnan cu a wordo haci na e scol, segun necesidad di tur alumno.
REPARTICION DI KLASNAN
Juffrouw Nadine a splica ainda nan ta hayando muchanan. Ta SKOA ta dicidi cuanto mucha ta bay den klas, y ta purba tene cuenta pa e klasnan no ta demasiado grandi. Esey ta algo cu por tene cuenta cun’e, pero e mucha tin derecho di enseñansa y nan ta bin scol. Pa eerste klas nan tin dos eerste, y e averahe ta di 24 pa 25 mucha.
EXPANSION
A asfalta e tereno, y ainda a keda un pida cu no a wordo asfalta. Esey ta pa den futuro unda cu lo por traha un extra lokaal. Despues di 53 aña e scol a haya un capa di asfalt y esaki tabata a base di varios peticion haci y el a bin keda cla bou di e minister di enseñansa actual, despues cu e minister anterior no a logra concretisa esaki, pa cual Juffrouw Nadine ta gradici. St. Fransiscus College tin un alumno cu mester di atencion special, pa cual nan a adapta e tereno di scol, ya cu e mucha awo por move libremente riba e tereno di scol.
MIHO DESEO
Como cabesante di St. Fransiscus College, Juffrouw Nadine ta desea tur alumno un aña escolar positivo y pa docentenan cu t’ey pa duna e mucha e miho educacion. Ta pidi e mayornan pa coopera cu scol, ya cu sin ayudo di mayornan, nan no ta cumpli. Un deseo cu St. Fransiscus College tin di dje, ta pa nan por haya airco. E sistema di coriente ta adapta caba y ta cierto cosnan chikito tin pa regla ainda. Minister Lampe durante su bishita a elabora ariba esaki tambe y a priminti di follow up ariba esaki tambe.