IMG_5309
Diaranzon anochi un accidente a tuma lugar na e subida prome cu e lorada skerpi di Monserat altura di e veld unda un tercel a dal contra un swift. Polis di biaha a presenta na e sitio y aki a topa cu e accidente cu ta uno semi frontal y a constata cu e chauffeur di un tercel blanco bayendo noord a core den banda di e swift cora biniendo for di noord bayendo zuid y a topa cune riba e subida. E impacto tabata fuerte ora cu ambos a dal den otro banda di e wiel dilanti e tercel a ranca dal riba e wiel banda di chauffeur di e swift kibra y e tercel mes su wiel a ranca. Ambulance a presenta y atende cu e personanan wak si por tin herid. Polis a bay cu e homber di e tercel ya cu e tabata bou influencia di alcohol.