Perdida bo ta wak riba jaarrekening. Ta papia di afschrijving, segun Teo Croes director di Aruparking. E ta sigui splica cu tin un afschrijving cu tin cu inclui den bo cifranan cual ta normal. Bo tin ekiponan cu bo cumpra, tin cu schrijf nan af. Locual a wordo menciona cu Aruparking ta den problema financiero no ta berdad. Nan ta bon cu e cashflow. E unico problema cu nan tin ta e afschrijvingnan cu tin cu wordo cubri. Esey ta e parti cu a bin den prensa den forma negativo cu ta den problema financiero, pero esey no ta e caso.
Croes a sigui splica cu e compania no ta draai malo. E cashflow ta bon, manera el a reitera.
Aruparking ta pagando tur cos manera mester ta y ta keda pag’e manera e mester ta. Ta locual cu ta splica ta e afschrijving ta mustra malo riba e jaarrekening den e sentido cu tin di incluy’e den dje, pero no ta cash. Loke ta cash, Aruparking ta stabil.
Awor aki Aruparking ta breakeven y tin luna ta haci ganashi riba dje.
Nan ta un NV stabil na e momentonan aki. Segun Croes, nan ta satisfecho na e momentonan aki. E operacion ta bayendo normal. Tin cambionan cu lo bay wordo introduci of cu Gobierno ta stel voor pa introduci. Ta bezig ta sondeando kico e posibilidadnan ta. Manera por a compronde cu dialuna awo ta bay cuminsa stop di cobra pa 3’or di atardi. Prome Minister a laga sa bon cla cu Gobierno lo cubri e deficit di esey y pa Aruparking e no lo tin efecti financiero directamente y lo sigui brinda e servicio. Ta un servicio e ta, segun Croes.