Tende canto di Trupialen

Wel ata nos atrobe. Despues di un vakantie bon mereci, e muchanan a cuminza atrobe cu nan lesnan di canto na September. A cuminza train duro pa nan presentacion dia 21 di Oktober den stadion huntu cu Frerenan pa bishita di La Reina y Prins den stadion.
Fiesta di Santa Cecilia a wordo celebra cu un misa mainta y anochi un filmavond cu treat.

Poco poco fiesta di Pasco ta asercando. Mescos cu aña pasa Frerenan y de Trupialen lo canta misa di anochi. E muchanan a canta misa di 4′or di marduga. Balente no?????
Y riba 26 di December a canta na Santa Cruz, na e inauguracion di e club nobo di Sint Jozefbond(e actual Club Estrella).

Y asina tambe despues di vakantie di fin di aña na Januari a cuminza cu trainingnan pa Misa y Lof. Tambe a celebra dia 13 di Januari e tercer aña di existencia di De Trupialen. E muchanan a wak pelicula y a haya un treat y Diasabra nan a bai laman den bus. Diadomingo 24 di Februari e muchanan a canta caminda di cruz pa mucha. 25 di Maart nan a canta mainta e misa Solem di Pasco Grandi y anochi 7or nan a canta Lof.
Y despues di esey nan a cuminza train duro pa nan presentacion di teater na Mei, esta, “Tiunfo di un piscado”
Keda pendiente pa esaki, den nos proximo: Tende canto di Trupialen”
Ta sigui…