E aña aki ta bay ta un temporada mas active cu normal. Esunnan cu ta predica y studia e region, ta mira cu e ta un aña sobrenormal. Sr. Rino Hermans, di Departamento di Calamidad ta splica.
Lo bay tin mas horcan di lo normal. Normal ta 12 sistema cu ta haya nomber, pero ta predeci cu lo tin mas e aña aki. Loke a pasa cu St. Maarten aña pasa, tabata un les. Na luna di Juni, Departamento di Calamidad lo tin un training, di yegada di horcan, pasada di horcan. Ta bay tin hopi movecion, lo habri shelternan cu lo keda 24 ora habri. Camidnanan cu ta indica pa parti awa pa pueblo, tur esaki den cooperacion cu marina. Ta bay wak con ta habri airport mas pronto posibel pa ricibi yudansa internacional. Esaki en combinacion cu Defensa, pa asina wak kico falta ariba nos isla, den caso cu’n horcan pasa.
Irma tabata un les, den Reino y region Caribense. E meta ta di Sali mas lihe posibel di e situacion den caso cu un Sistema asina pasa ariba Aruba. Ta proyecta 14 horcan cu ta haya nomber, di cual 3 horcan grandi. Si e Sistema pasa 100 miya leu mes, e ta causa un efecto. Hopi biaha nos tin e tendencia, cu e no ta dal Aruba. Pero e no mester dal Aruba, ya cu nos Sistema di afvoer pa lama ta hopi zwak. Aruba mester ta prepara pa esey.
Departamento di Calamidad ta reuniendo tur siman cu tur e instancianan, cu for di Februari ta bezig ta train. Den e dianan aki ta focus full ariba e training na caminda. Dia 25 di Juni tin e prome lazing na scolnan. Mester train e muchanan di jong, y purba na elimina e pensamento cu nada ta pasa na Aruba, atras. Ivan, oilspill, zeewiernan a laga un experiencia atras.
Tur mester uni hunto pa atende cu e experiencianan aki, segun Sr. Rino Hermans, director di Departamento di Calamidad.