LESBOS, Grecia- Varios edificio a cay den otro despues di un temblor, ariba e isla Griego, lesbos. Segun funcionarionan local, mas o menos 10 persona a resulta herida.
E epicentro di e teremoto tabata situa 84 km noordwest di e ciudad costero Turco Izmir, segun e European Mediteranean Sismological Centrum (EMSC).
E temblor tabata tin un magnitud di 6.3 segun EMSC.
Via imagennan di television por mira edificionan cu a cay den otro na Vrisa, un pueblo cu 600 habitante.
E temblor a wordo sinti tambe den e capital Griego, Atenas y parti di Turkia. “Tur cos den mi clinica a cuminsa sacudi. Nos a core bay pafo cu e pashentnan”, segun un dentista procedente di Izmir, cu a yega di maak mee temblornan. “E biaha aki si mi a pensa cu nos lo bay muri”, segun e dentista”.
Fuente: www.efe.com