OSAKA, Japon- Un teremoto fuerte di 6.1 grado a sacudi Osaka, e ciudad mas importante di Japon. E teremoto aki a cobra bida di tres persona, incluyendo un mucha muhe di 9 aña. Tin mas di 300 herido.
E temblor cu a tuma luga den oranan trempan di mainta di dialuna, durante varios hora a interumpi e vida di e area metropolitano cu mas di 19 miyon di habitante. Transporte a wordo para, varios compania a cera temporalmente, varios vuelo a keda cancela y e problema di suministro den centronan medico y hospitalnan.
E temblor a keda registra pa 07:58 di mainta, hora local. Su epicentro tabata situa na 13 kim di profundidad den e provincia di Osaka, riba e isla di Honshu, e isla mas grandi di e archipielgao Nippon, na 500 kmn west di Tokio, segun e Agencia Meteorologico (JMA).