Temblor na frontera Iran cu Irak ta costa bida di mas di 300 persona

0

TEHERAN, Iran- Rescatistanan Irani dialuna tabata trahando duro pa haya eventual sobrevivientenan di e temblor di magnitud 7.3 , cu diadomingo anochi a sacudi e region west di Iran y varios region Iraki. Den e temblor aki 336 persona a perde nan bida, heridando miles di ciudadano.
Mayoria di e victimanan di e catastrofe a wordo registra na Iran, unda cu e balans provisional, segun e oranan tabata pasa a keda subi te yega na 328 morto y mas di 2.500 herido, den oranan di mainta. E parti mas afecta ta e provincia Karmanshah, na frontera cu Irak, segun AFP.
E epicentro di e temblor, situa inicialmente na e banda Iraki di e frontera door di e Instituto Geologico di Merca (USGS), determina door di e institucion aki como tambe pa e agencia Irani, hopi cerca di e frontera, 50 km noord di Sar-e – Pol- e Zaham, e ciudad mas afecta pa e temblor, caminda 236 persona perde nan bida.
Segun medionan Irani, un muhe y un baby a wordo rescata cu bida for di bou di e ruinanan dialuna mainta.
E temblor a sacudi tur e provincianan Iraki, mientras cu den e capital, Bagdad, el wordo sinti durante 20 seconde.
Segun e website di e Instituto di Geofisico di e Universidad di Teheran, e teremoto a wordo sigui cu cientos di temblor, esun mas fuerte tabata di 4.7 grado ariba scala di Richter.
Autoridadnan a distribui tent, corchon, alimento y awa den diferente ciudad.
Scolnan lo keda cera dialuna den varios provincia Irani, na e frontera cu Irak, afecta pa e temblor.
Turkia, caminda tambe e temblor a wordo sinti, a manda ayudo humanitario y un avion medico. Vocero di gobierno a anuncia cu e lo manda mil tent y 4 mil corchon, mientras cu e Mita Luna Cora Turco lo manda 3 mil tent y 3 mil corchon.
Fuente: http://www.eluniversal.com

LEAVE A REPLY

Please enter your comment!
Please enter your name here