CIUDAD DE MEXICO, Mexico- E Servicio Geologico di Merca diahuebs a raporta un temblor di magnitude 5.7 km den e zona zuidoost di Huajuapan de Leon, Oaxaca.
Gobierno a informa cu no tin reporte di dañonan. Esaki segun e coordinador di e Oficina di Gobernacion, Luis Felipe Puente, cita pa e corant Mexicano El Universal.
Di otro banda, e hefe di gobierno di capital, Jose Ramon Amieva, a informa a trabes di Twitter cu e protocol di revision pa deteca possible dañonan a drenta na vigor.
Aunke cu e sismo a wordo sinti hopi leve den e ciudad di Mexico, e zonido a zona e alarma sismico cual a pone cu hopi hende a Sali ariba caya den forma di precaucion, segun e agencia di noticia EFE.
E temblor aki ta bin exactamente dies luna despues di esun registra dia 19 di September cu’n magnitude di 7.1 cu a laga rond di 228 victima.