CALIFORNIA, Merca – Un sismo di magnitud 5.7 riba escala di Richter a sacudi diabierna e costa nort di California na e Oceano Pacifico, segun e Servicio Geologico di Merca (USGS) a informa. Sin embargo, no a reporta daño of personanan lesiona.
E epicentro di e movimiento telurifo tabata na 195 kilometer west di Capetown y na 490 kilometer west west noordwest di Sacramento.
E temblor di magnitud 5 y superior ta frecuente na California, considera modera y capas di causa dañonan considerabel si golpia directamente un zona hopi pobla, segun e agencia di noticia Reuters.
Otro aña, Los Angeles lo debuta un aplicacion pa e telefon cu lo sirbi pa emiti advertencianan di temblor, cual lo bay costa 38 miyon di dollar.
“Nos lo depende den e fondonan federal, pero den añanan futuro, noslo tin mester di e fondonan aki, e aña aki nos ta sigur pero nos lo bay tin un alerta pa tur hende den tur parti di California, zuid di California nos tin e tecnologia aki pero na San Francisco, San Diego, nos tin mester di e fondonan aki y pa e futuro di nos sistema, nos mester di fondo tambe,” Eric Garcetti, alcalde di Los Angeles a bisa al respecto.
E experto den prevencion Glen Glanholm a bisa cu “un advertencia tempran lo duna hende oportunidad di bandona su zona cubri, warda algun minuut te cu tin un mayor sacudi y esaki cuminsa, esaki ta algo cu lo salba bida inmediatamente.”
Fuente: www.ntn24.com