E Instituto de Geociencias di e Universidad de Panama a confirma un temblor de 6.6 di magnitud diasabra atardi, cual epicentro a keda registra den e provincia central di Los Santos. Asina e Sistema Nacional di Proteccion Civil (Sinaproc) a informa.
Preliminarmente, e Insituto a informa cu e movimento tabata ti 5.8, pero minuutnan despues a difundi informenan nobo.
Autoridadnan di Sinaproc a bisa cu no tabata tin reportenan di daño door di e temblor cu a tuma luga pa 4:40 di atardi, hora di Panama. E temblor a wordo sinti tambe den e ciudad di Panama, causando miedo den e poblacion.
E temblor, di un profunidad 10 na 75 km den e area di Azuero, den e provincia central a wordo sinti tambe den otro regionnan di e pais.
Autoridadnan na prome instante a descarta e yegada di tsunami na e pais y a pidi e poblacion pa checknan nan casnan bon, pa cualkier daño.