Central di polis ta wordo manda pa un casino di un High Rise Hotel, pa un caso di ladronicia. Na nan yegada e polisnan ta papia cu un cabayero cu kier a entrega denuncia di su telefon celular. E ta declara cu e tabata den casino di un High Rise hotel ta hungando na un di e mashinnan. Ora cu ela sali for di e casino el a lubida su telefon ariba e stoel dilanti di e mashin. Ora cu el a bay bek e no a haya e telefon mas, siendo cu e ta sigur cu el a lag’e ariba e stoel. Un empleado di e casino trahando den e loket, a bisa e denunciante cu el a wak un homber y un muhe pasa man cu su telefon. Un otro cliente cu tabata sinta banda di e mashin unda cu e denunciatne tabata hunga, a cont’e cu ela wak e homber y e muhe coy su telefon bay cun’e. Denunciante a meld e incidente aki na e cuerpo di siguridad di e casino y hunto nan a cana bay na e muhe. E muhe en cuestion a laga e miembronan di siguridad listra den su tas, pero nan no a haya nada. E pareha aki a cana bay un rato despues. E security a tuma contacto cu e personal di e central di siguridad pa controla e imagenann di e camaranan di siguridad. E denunciante a wordo poni na altura di esaki, cu ariba e imagennan e por wak cu e muhe en cuestion tabata sinta ariba e telefon pa sconde esaki. Despues e homber a acerca e muhe y a bay cu e telefon. Denunciante a busca e pareha aki, pero no por a hayanan. E telefon ta propiedad di e denunciante y e no a duna ningun hende permiso pa bay cu e telefon.
E security na warda a informa e denunciante cu tin imagennan di e sucedido y cu nan ta na disponibilidad pa mas investigacion. E security a entrega e denunciante cuatro potret di e supuesto ladronnan y esakinan a wordo entrega hunto cu e denuncia.