Diabierna dia 20 di october 2017, pa 9:30 p.m. na Tele-Aruba, canal 13 lo transmiti e documentario El Museo de la Salsa. Ta trata di un museo dedica na Salsa, salsero, sonero, sonera, memorabilia, potret, uniform di agrupacionnan salsero, instrument, casette, VHS, caratula (hoes) di long play y hopi mas cu tin di haber cu e genero musical SALSA.
Produccion di e documentario El Museo de la Salsa a keda realisa pa sr. George Jacobs, videografo y sr. Mirto Laclé, gestor cultural durante lunanan di december 2015 y maart 2016, durante e siman dedica na salsa. Anualmente Puerto Rico ta celebra El dia de la Zalsa, durante henter un siman y e ora tin simposio, congreso, tayer y presentacionnan musical dedica na dicho genero. Sr. Robert Padilla, coleccionista pa casi un mey siglo a dedica su bida na salsa pa medio di coleccion, programanan radial como D.J. y specialista den salsa. Durante bishitanan anterior a palabra pa filma durante e apertura oficial na maart 2016, na cual ocasion a haci entrevista cu diferente salsero, sonero, musicologo, director di banda, D.J., etc. pa por a realisa e documentario.
Como invitado y conocedo di mundo salsero, a invita Sr. Robert Jeandor, salsero y sonero, icono musical Arubano, embahador musical di Aruba y den exterior, pa a comparti cu televidentenan algun convivencia cu mundo di Farandula durante su 12 aña na Republica Dominicana y Puerto Rico, Merca y Latino America.
P’esey, un cordial invitacion pa sintonisa Tele-Aruba, canal 13, diabierna awo dia 20 di october 2017 pa 9’or y mey di anochi. Persona di contacto sr. Mirto Laclé na telefon 740-2044.