Tecnologia: Snapchat no ta logra subi cabes ariba mercado

0

E compania di e “spirito” no ta logra bons bek riba e mercado di valor. Pa di dos biaha, desde su capitalisacion riba e mercado di valor, e accionnan di Snap Inc., a cay cu 17% den un solo dia. Su ingresonan y su crecemento di cantidad di usuario no ta alcansa e pronosticonan di e analistanan.
E competencia fuerte cu ta reina durante e ultimo añanan entre e rednan social mas importante pa conkista usuario y haya contratonan miyonario di publicidad ta intensificando. Den e ultimo oranan, Snapchat a publica e resultadonan malo aki y e perdida di balor di su accionnan desde su debut ariba e mercado bursatil na Maart ultimo.
Segun e reporte oficial, e accionnan di Snap Inc., a cay cu 17%, cual ta laga e accion na un balor di 12 dollar, contrario na e 24 dollar cu e tabata costa na su comienso dia 2 di Maart. E perdida netto a amplia cu 443.1 miyon dollar of 36 cen pa accion.
Relaciona cu e cifra di usuarionan, e compania tampoco no a logra yega e cifra spera. E directiva a anuncia shete miyon di usuario nobo den su base di datonan cu awo ta yega 173 miyon. Sin embargo, inversionistanan tabata spera al menos 3 miyon mas di usuario activo.
Sin duda, un di e factornan cu mas a afecta e crecemento di Snapchat tabata e competencia directo cu Instagram y Facebook, ambos propiedad di Mark Zuckerberg. No ta un secreto cu Zuckerberg tin un mal relacion cu Evan Spiegel, CEO di Snapchat, desde cu esaki a nenga di bende Snapchat na Zuckerberg.
Den e ultimo dos añanan, Instagram y Facebook a dedica nan mes na copia tur e caracteristicanan di Snapchat, cual a inclina e balanza na fabor di e dos companianan di Zuckerberg y a frena e crecimento di e aplicacion di Spiegel.
“E storianan ta algo den cual Snapchat realmente tabata e pionero”, segun Conor Hayes, gerente di producto di Facebook, dunando na compronde cu nan ta acepta e innovacion y desaroyo di e compania di Spiegel.
“Usuarionan cada biaha ta relacionanan mes mas cu e productonan competidornan na luga di esun di nos, ademas e competidornan por imita nos productonan y por lo tanto daña e relacion cu nos usuarionan y por lo tanto, nos crecemento”, Spiegel a afirma refiriendo su mes na Instagram y Facebook.
“Tin hopi competencia fuerte y e compania ainda no a descurbi con pa monetisa su publico”, segun Salvatore Recco, vice presidente ehecutivo di 50 Park Investments, experto den inversiones bursatil, relaciona cu e fayonan den e directivo di Snap Inc.

Fuente: http://www.noticiasrcn.com/tecnologia

LEAVE A REPLY

Please enter your comment!
Please enter your name here