Tecnologia: Robo di datonan di Yahoo! na 2013 ta hopi mas di loke a informa inicialmente

0

CALIFORNIA, Merca- E robo di datonan cu Yahoo! a sufri na Augustus 2013 tabata hopi mas pio di loke a pensa inicialmente. E incidente aki a afecta 3 biyon cuenta, e tripel di e cifra inicial, según e compania a anuncia diahuebs.
Yahoo! dia 14 di December 2016 a anuncia cu piratanan informatico a horta informacion priva di mas di un biyon cuenta den un atake realisa na Augustus 2013. E cifra aki ta encera un tercera parti di su usuarionan.
Anteriormente, dia 22 di September Yahoo! a reconoce cu un atake cibernetico realisa na final di 2014 nan lo a horta informacion priva di 500 miyon cuenta.
E accionnan aki a pone un mancha riba e imagen di e empresa y a perhudica su operación. E nucleo di Yahoo! a wordo cumpra door di Verizon cu a integra esaki bou di e nomber di Oath.
Un comunicado difundi awe pa Oath a señala cu informacion adicional obteni despues di cu Verizon a haci un control di Yahoo a genera cu “tur e cuentanan di e usuarionan di Yahoo! (3 biyon) a wordo afecta pa e robo di datonan na Augustus 2013.
E conclusion a wordo obteni reclaciona cu e informacion ricibi durante e integracion di e companianan y e aporte di expertonan externo cu a investiga e tema.
“E investigacion ta indica cu e informacion di e usuario di e cuenta cu a wordo horta no ta inclui password, datononan di creditcard of informacion riba cuentanan bancario”, Oath, subsidiario di Verizon a informa den su comunicado.
Fuente: