Un wega nobo viral di Facebook yama e Desafio di 48 hora (’48-hour Challenge’, na Ingles) ta invita hobennan pa sconde di nan famia durante mas tempo posibel y ta “premia” nan cada biaha cu nan nomber wordo menciona ariba rednan social.
E menornan di edad ta ricibi punto si nan mayornan uza Facebook of Twitter pa bati alarma riab e desaparicion di nan yiunan of ta scribi nan amigonan pa yuda haya nan yiu.
E actividad ta inspira den un evento viral cu a tuma luga den varios pais di Europa Occidental, unda varios adolescente a desparace durante 72 hora na 2013.
Un mama na Irlanda del Norte (Reino Uni) a indica cu su famia ta sufri di un ansiedad “indescriptibel” pa culpa di e competencia enfermo aki, debi cu su yiu di 14 aña y otro hobennan a bandona nan hogar y a aparece na decena di kilometer 55 hora despues.
“Mi tabata tin miedo di cu nan por tabata morto of cu nan a wordo viola, bendi of mata. Pero e muchanan ta pensa cu ta “pret”, e mama a splica. El a detaya cu su yiu “ni sikiera tabata tin un momento di remordimento”, ora cu e tabata bou custodia policial, ya cu el a publica “selfienan” desde e auto di polis.
Como resultado di e duracion largo di e desaparicion, “mi yiu y su amigonan ta lidera e competencia”. Pero niun no ta compronde cu ta trata di un wega “aterador”.