Tokyo, JAPON- E empresa Japones lo fabrica 16 miyon di su wega di mas nobo, dobel di loke nan tabata tin pensa anteriormente pa lansa ariba mercado. E lo duplica e produccion di su console Switch, te ora esaki yega 16 miyon aparato, segun The Wall Street Journal.
Na comienso tabata e intencion di produci solamente 8 miyon di a aparatonan aki.
E console, presenta na comienso di Maart, ta permiti pa hunga na cas y ta comberti tambe den un aparato portatil. Nintendo tin su speransa nan poni ariba e produccion aki, despues cu e modelo anterior, e Wii U, no tabata exitoso y a resulta den perdidanan grandi.
Cu Switch Nintendo ta spera di continua su tradicion di aparatonan portatil y obtene un exito grandi manera el a logra cu Wii, dies aña pasa
E mannan di e aparato nobo aki por wordo uza tanto pega na e pantaya portatil como di manera separa y ta consisti di sensornan di movimento manera esunnan di Wii.
Actualmente Sony ta lider den benta di aparatonan cu su Playstation 4 na 2013, di cual mas di 50 miyon unidad a wordo bendi caba.