Motorola ta sigui bet ariba telefonnan celular cu e presentacion di e Moto Z2 play, e generacion di ekiponan cu por transforma den speaker, camara cu zoom profesional y proyectornan, cu e ayudo di un aplicacion.
Motorola a presenta esaki diahuebs, ademas di e modelonan compatibel cu e ekipo, un GamePad cu ta conberti e celular den un game console di videogames cu joystick y botonnan inclui, cu lo ta compatibel cu cualkier wega disponibel den Android. E model ta inclui un bateria di 1.035 mAh.
E Z2 Play ta compatibel cu e modulonan lansa aña pasa. Ademas, Motorola a presenta aña pasa. Motorola a presenta modnan nobo (cu ta conecta e telefon pa medio di un sistema di pin magnetico), entre cual ta inclui un di dos generacion di speaker JBL (un di e modelonan mas popular) y un TurboPower pa charge bateria di telefon 3 biaha mas lihe cu un charger normal.
LG, otro di e marcanan cu ta bet pa telefonnan celular aña pasa, a dicidi di stop di fabrice tipo di telefonnan aki.
E modelo mas nobo di Motorla ta mas lihe y fini cu esun anterior, cu 5.9 mm diki y ta pisa 145 gram.
E focus di innovacion ta den e camaranan, e dilanti tin 5MP cu flash dual pa miho iluminacion den e selfienan. E camara patras tin un autofocus dual y un autofocus laser di te cu 5 meter di distancia cu ta permiti e entrada di 25% mas di luz.
Ademas, nan ta sigura cu e bateria nobo di 3 mil mAh cu Turbo Charging, un carga di 15 minuut ta dura te cu 7 hora.
E telefon aki lo ta disponibel na Merca for di Juli venidero na Verizon y lo costa alrededor di 499$.
Lenovo, doño di Motorola, lo concentra na comercialisa e marca aki na Latinoamerica, cual el a cumpra na 2015, pa cual e lo stop di bende smartphone bou nomber di e compania Chines.
Fuente: www.cnnenespañol.com