Tecnologia: Facebook ta introduci Facebook Watch

0

E plataforma di red social Facebook a anuncia diahuebs e lansamento di su seccion di mas nobo, Watch. E seccion aki ta unda tur bo videonan ta bay, y cu lo conta cu emisionnan live, serie y contenidonan original.
E seccion audiovisual aki lo ta inclui den tur e aplicacionnan di Facebook y Smart tv. Pero p’aworaki e lo ta disponibel solamente pa un cantidad chikito di usuario di Facebook na Merca, segun e director general di e compania, Mark Zuckerberg, riba su profile di Facebook.
Cu Facebook Watch, usuarionan lo por tin acceso na videonan cu nan ta comparti cu otro usarionan, wak lo mas popular den e comunidad di red social y tambe wak contenidonan original realisa pa internautanan desconoci of artistanan reconoci.
Nan lo tin tambe e posibilidad di comenta riba videoann y nan programanan faborito cu otro usarionan y tambe save episodionan pa waknan despues.
E red social, cu ya caba tin varios acuerdo di contenido cu otro programanan anuncia, lo permiti e liga profesinal di baseball Mericano transmiti un partido semanalmente y e canal di cushina Tastemade di produci “Kitchen Little”, un programa di cushinamento caminda un mucha ta splica un chef profesional con pa traha un recept cu ela siña.
Facebook Watch ta combina di e manera aki e posibilidad di plataforma di video Youtube cu e canalnan di retransimision manera Netflix.

Fuente:http://www.wradio.com.co

LEAVE A REPLY

Please enter your comment!
Please enter your name here