LONDON, Gran Bretaña- E pais Gran Bretaña a bira e prome pais na mundo pa habri un supermercado unda ta permiti su clientenan pa cumpra a trabes di vingerprint.
E invento nobo aki, yama “Fingopay” ta funciona a trabes di un sistema di infrared cu ta scan e adernan di dede y ta vincula esaki cu e mapa biometrico na e cuentanan bancario di cada cliente.
E datonan bancario ta keda warda den e proveedor di paga “Worldplay” na mes manera cu ora ta cumpra via internet.
Clientenan di Costcutter, den e campus di Universidad di Brunel na London, a bira e promenan den test e aparatonan chikito aki pa paga door di scan e fingerprint.
E sistema di pago a wordo simplifica ya cu e cumpradonan lo por bay supermarket sin cash of credit card, y lo por paga uzando solamente nan mannan.
E compania tras di e invento aki, Sthaler, cu sede na London, a informa na medionan di comunicacion cu nan ta trahando cu otro supermarketnan na Gran Bretaña pa adapta e tecnologia aki.