CATALUÑA, Spaña – Aparatonan pa haci e hogar mas comodo, sostenibel y economico, flanelnan cu ta midi emocion y ta controla salud, retransmisionnan deportivo den realidad virtual of piesanan di plastick mes duro manera metal, ta algun di e avancenan tecnologico cu lo revoluciona 2017.
E imparabel internet di cosnan, tecnologia 5G, materialnan nobo, manera e avancenan di impresion 3D, inteligencia artificial y robotica ta, segun e fisico Ricard Jimenez, algun di e tecnologianan cu lo eclosiona e aña aki, EFE a informa.
Den un entrevista cu e medio aki, Jimenez, director cientifico industrial di e Centro Tecnologico di Cataluña Eurecat, a adverti cu tur e avancenan aki lo tin cu hiba un incremento di cibersiguridad pasobra e dato di e personanan cada biaha ta mas exponi riba internet.
2017 lo ta e aña di internet di cosnan pasobra cada biaha mas aparato lo ta conecta riba tur cu e implementacion di e di cinco generacion di telefonia mobil, e 5G, caminda cu ya e operadornan ta traha, el a bisa.
Segun Maria Eugenia Fuenmayor, directora cientifico di Tecnologia Digital di Eurecat, 5G lo multiplica e velocidad di acceso na internet te cu 10 gigabit pa seconde cu un baho consumo energetico pa e dispositivonan dura mas tempo cu carga.
“Cu 5G nos por descarga un video den definicion halto den 10 seconde ora cu awo nos tin mester di 10 minuut, loke tambe lo acelera e realidad aumenta,” Fuenmayor a bisa.
E conectividad 5G, segun e fisico, lo revoluciona ademas a retransmisionnan deportivo cu realidad virtual en directo di modo cu desde sofa di cas lo ta mescos cu ta riba e tribuna di e campo y mira loke bo kier y no loke e realisador di television dicidi.
Fuente: El Universal