PHILIPSBURG, Sint Maarten – Sint Maarten a prepara su mes pa horcan Maria. Miembronan di e team di buskeda Hulandes USAR, a busca un luga sigur pa sconde. E horcan ta di categoria 5, pero no a crusa door di e isla manera cu horcan Irma a haci na comienso di e luna.
Pesey Sint Maarten no a hay’e sla directo, pero expectativa ta cu lo bay supla duro y cu lo bay cay hopi biento. “Ta peligroso pa sali. Manera cu ta sigur, nos ta bay cu polis y brandweer pa mira unda por brinda ayudo. Esey por ta posibel ora cu e forsa di e tormenta pasa,” segun vocero di polis, Thomas Aling.
E USAR-team ya tin casi un siman riba e isla. Busca y salba hende despues di calamidad ta e specialismo mas conoci di e team, pero den e caso aki tambe nan a wordo pidi pa ayudo despues di e catastrofe di horcan Irma.
E ploeg
E ploeg ta consisti di mas tanto bombero, enfermero, dokter y ingenieronan. En total 59 miembro di e team a wordo manda pa e isla Caribense. Pa diaranson, cuatro mas lo bay.
E prome prioridad ta pa pone hospital y e scolnan riba e isla bek den funcion. Riba e isla di Guadeloupe sigur un persona a fayece door di horcan Irma. Un palo a cay riba e persona. Dos persona ta perdi. Riba e imagenan di e isla Frances, por mira cu Maria a causa destruccion. Palonan a cay abao. Mas of menos 80 mil cas ta sin coriente, segun autoridadnan local. Prome cu esey, Maria a laga rastro di destruccion riba Dominica.
Fuente: www.rtl.nl