Diasabra dia di Himno y Bandera e team di Train Hard Fight Smart a train duro na Sero Alejandro. Aki no tin nada di haci cu e dianan liber, pasobra e dianan ta conta pa asina e team ta bon prepara pa Korea. 14 atleta a presenta na e training di Sero Alejandro, for di esun di mas chikito te na esun di mas grandi. Un mixto completo mirando cu tin hopi cara nobo cu kier bira grandi y nan a cuminsa pone mas di nan banda y a bin pa e buiten training cu semper ta duro. No ta solamente coremento, pero ta un sero mester a subi, haciendo varios faceta di Taekwondo cu no tabata facil. Nos a tende hopi sclamamento di cansancio, pero a stop net 10’or manera a stipula y cuminsa net pa 8’or. E interval training aki a pone hopi cu a bin pa e prome biaha pidi pa para. Esaki ta djis e comienso di e training duro. Ainda ta falta e interval training na Sero Colorado cu ta mas largo y mas duro.
Manera Alberto Klabér a bisa e ta con largo bo train e ta kico bo ta train cu ta haci efecto y duna resultado. E explosion mester tey semper den tur cos cu bo haci. Esaki ta e parti cu ta haci e Taekwondista duro. Yega na e top ta depende di kico bo tin pa hinca aden.
Den e compilacion di e potretnan por mira e diferente facetanan cu a haci durante di e training.