Ya pa di 2 aña consecutivo Aruba lo ta e anfitrion pa e ITF Beach Tennis Panamerican Championship. E competencia aki, cu ta wordo organisa pa ITF cual te federacion internacional di tennis desde 2013, tin e aña aki un record di 11 pais compara cu e aña anterior caminda tabata tin 8 pais. Esunnan cu a confirma nan participacion ta Argentina, Bolivia, Brazil, Chili, Colombia, Ecuador, Puerto Rico, Venezuela, USA, Aruba y pa prome biaha den historia di e weganan aki, Bonaire lo ta participando
Aña pasa, e team di Brazil a bai cu basicamente tur premio caminda, Diogo Carneiro y Ralff Abreu a gana den doubles men, den doubles female Rafaella Miller y Joanna Cortez tambe di Brazil a bai cu e titulo maximo y den mix Joanna Cortez y Vini Font tambe ta brazil a keda na prome lugar. E aña aki, cu participacion di mas pais, lo ta hpi interesante pa wak si Brazil lo logra mantene nan titulo nan
Aruba como e anfitrion tin un Bentaha riba tur e otro paisnan participante. Tur pais por participa cu 2 team den e 3 categoria nan, pero Aruba den e caso aki por tin 3 team. Y claro ta hasi uso di esaki. Awe nos Beach Tennis Aruba, cual ta e federacion local pa e deporte aki, kier a introduci na e pueblo di Aruba nos seleccion femenino.
TEAM ARUBA 1: Marieke Buuts (62) & Maud Celaire (62)
TEAM ARUBA 2: Anne Hoogendam (55) & Dominique Hopman (198)
TEAM ARUBA 3: Kaman Hui (191) & Lella Arends (315)
Nos seleccion nacional sigur tabata bin ta train desde comienso di aña. Esey ta bisa cu nan ta bon prepara pa duna nan maximo den e bataya pa asina logra subi podium pa nos isla di Aruba den e deporte di Beach Tennis. Un deporte cu ta keda crece, ta trece sigur un 300 hende hunto tur siman. E palabra den esnan cu ta practica e deporte aki ta: nos no ta simplemente un persona practicando un deporte, sino nos a bira un famia una bes nos a cuminsa practica e deporte di Beach Tennis
E Panamerican Championship ta cuminsa diahuebs awo, dia 9 november, na Tropicana Beach Tennis Club, cu a e apertura oficial. E prome weganan lo start diabierna mainta 9or. Nos ta invita tur hungado di Beach Tennis como tambe e pueblo deportista di Aruba pa pasa apoya nos ekipo local como tambe e bishitante nan durante e torneo aki