IBiSA ta informa cu diahuebs awor dia 1 di September y diabierna dia 2 di September 2016, e Team di Bus di Salud lo ta presente den e sala di exposicion di edificio MFA na Noord pa duna servicio y chekeo di salud na publico. E orario lo ta for di 8’or di mainta te cu 3’or di atardi.
Un chekeo preventivo di salud ta encera control di peso (BMI); control di presion di sanger; control di sucu den sanger y colesterol . Tambe lo duna conseho con pa hiba un estilo di bida mas saludabel.
Ta bon pa publico ta na altura cu no mester ta na yuna pa bin haci e chekeo. Alabes IBiSA ta informa cu tur control ta completamente gratis. Unico rekisito cu ta pidi ta, pa tur persona presenta riba e fechanan menciona cu nan carchi di AZV valido. Esaki ta sirbi como medio pa identifica e persona pa e por haci su control.