Diadomingo mainta e team di Aruba cu a gana e copa di TK5 na Surinam a yega Aruba y Dr. Guaicaipuro Jimenez, presidente di Aruba Taekwondo Bond a ricibinan na Airport. E team di Aruba a logra di gana e copa di TK5 Surinam pa di 5 aña consecutivo.
Dr. Guaicaipuro Jimenez presidente di ARTBO semper ta apoya tur e delegacionnan cu sali for di Aruba pa biaha internacionalmente pa representa e Bandera di Aruba. For di e categoria di infantil te cu e seniornan cu sa biaha y cu semper a sa di hisa e Bandera di Aruba ariba podiumnan internacional unda cu nan biaha rond di mundo. E team di infantil aki a consisti di 6 atleta hoben cu hopi inspiracion y cu ya caba ta demostra kico ta significa e lema di “Train Hard Fight Smart” E team di Aruba a gana Surinam den pre final y den final Surinam a suta Frans Guyana y nan mester a bataya cu e team di Aruba.
Dr. Guaicaipuro Jimenez a felicita e atletanan y coach pa e bon trabou cu nan a haci y di por a logra di gana e copa aki pa e di 5 biaha consecutivo na Surinam. Semper ta un reto pa logra forma e team cu varios scol di Taekwondo na Aruba y te cu awe ta conta solamente cu e atletanan di Brazil Taekwondo Stichting.