E control general den trafico diabierna anochi pa diasabra marduga por a tuma nota cu e oficialnan di DTP, Departamento Transporte Publico tambe tabata riba caya. Varios taxista y autobus cu tabata riba caya a keda para tambe. A controla wak si nan seguro ta valido, nan permiso y si ta cumpli cu e reglanan manera stipula y si nan rijbewijs ta na ordo. Na Adriaan Lacle cu L.G Smith a para un taxista den un tucson bou influencia di alcohol y a haya un multa di parti di Cuerpo Policial y DTP a duna ordo cu e taxista aki no por sigui core e vehiculo bou influencia, asina DTP ta gara taxistanan riba caya ta core burachi y ta traha un raport contra di nan.