MOSCU, Rusia- E taxista Ruso cu a cobra e increible tarifa di 50 mil rublo (900 dollar) na un periodista Chileno pa hib’e for di Aeropuerto pa un hotel na Moscu, a dun’e su placa bek diasabra.
Segun polis a informa den un comunicado, e taxista cu a wordo deteni, a entrega e turista su placa bek personalmente y a pidi despensa.
Anteriormente, polis, cu no a revela e identidad di e detenido, a delanta cu acuminsa un caso penal contra di e taxista pa estafa, ya cu e tarifa mester ta rond di 2 mil rublo (mas o menos 40 dollar).
E periodista cu ta na Rusia pa cubri e Copa Confederaciones, a acudi na warda di polis pa presenta un denuncia di loke a pasa.
Na mes momento, el admiti cu e no a puntra di antemano cuanto e biaha ta costa, for di Airport Interancional Domodedov te na su hotel, den centro di ciudad, cual a resulta den un eror fatal pa periodista.
Decenas di periodista Chileno a biaha pa Rusia pa informa di e partidonan di La Roja, un di e faboritonan pa bay cu e titulo, y nan ta conta cu miles di fanaticonan di nan pais.
Fuente: www.efe.com