DUBAI – Dubai ta bira e prome ciudad cu taxinan cu ta bula. Na Juli proximo, esaki lo cuminsa bula. E pasaheronan mester guli hopi si, pasobra e taxi aereonan aki, no tin piloto. Bo ta indica riba un keyboard unda bo kier bay y e computer ta busca e pista mas cercano. Bo ta bay laira riba un haltura di maximo 300 meter, cu un velocidad di maximo 100 kilometer pa ora, direccion bo destino. Esaki ta sosode den un Ehang 184, un drone electrico Chines cu desde 3 aña pasa ta den desaroyo. Segun e Chinesnan, nan sistema a wordo getest y ta hopi sigur. E prome vuelonan na Dubai tambe a cana bon. Gobierno na Dubai ta completamente cla pa e manira nobo di transporte. Recientemente nan a firma un contrcto cu e compania Mericano Hyperloop One pa un conexion terestre casi supersonico cu Abu Dhabi. Tambe lo bay bin taxinan automatico den e ciudad desertico aki.
Fuente: Faqt