FORT WAYNE, Indiana – Un tata a mira riba television potret di su yiu cu a atraca un banco. E no a pensa esey den ningun momento.
E homber a yama polis di e ciudad Fort Wayne (Indiana) directamente pa asina denuncia su yiu. E atracador tabata su yiu homber di 32 aña. Esaki tabata bon visibel riba e imagen pasobra e no tabata tin su cara tapa ora cu den e ciudad, el a pone un carta riba e balie bisando “esaki ta un atraco, tene bo mes trankil y dunami e placa. E ora no lo bay tin victima.”
El a huy
E teller a puntra e homber si e tin’e na serio. Ora cu el a bisa si, el a dun’e algun stapel di placa, segun un corant local.
E tata tabata sa ki pa conta polis, den cua hotel e yiu tabata keda. Pero ora cu polis a bay eynan, ya el a bay. Ainda e ta wordo busca pa husticia.
Fuente: RTL Nieuws